*واهى ساقية و بتدور...*

فى الحقيقة مش عارفة ليه النهارده دورت فى دفتر قصايد الشعر بتاعتى اللى كنت كتبتها من زمان و استوقفتنى هذه القصيدة اللى كتبتها فى ابريل 2007 هى من جزئين و ده الجزء الأول

     واهى ساقية و بتدور...          

        مش لاقية غير البشر...          

                  تطحن زى البذور...                         

                ماشية ولا همها خطر...                   

هىّ بدر البدور...

لو يوم وقفلها فارس...

يرجع سيفه مكسور...

ما هى دنيا و بتلف...

و كل واحد له دور...

ماشى أو راكب...

رايح و مش راجع....

ناوى يكون مستور...

وقف و قال" أنا أهه"...

رجع و خيبته تملا بحور...

دى عزة نفس ولا أمل...

جايز كبرياء مغرور...

و الناس زمان قالوا...

العدل سهمه جسور...

اوعى للظلم يوم تكسر...

فى نفسك أمل منصور...

للحق لازم ترفع الراية...

ده بحر الحسن خيره موفور...

عشان يوم الندا...

تكون من أصحاب النور...

إياك لعهود الظلام...

            تهدم للحرية قصور....            

                  واهى ساقية و بتلف...                   

و ماشية و بتدور...

تزيد جراح البشر...

و تجبر ألف مكسور....

و اهى ساقية و بتدور....

      ******

Tweet