و ده الجزء الثانى من القصيدة
*حكاوى ليها العجب...*
الساقية لسه بتلف و تدور..
تطحن قلوب البشر...
زى البذور...
تشوف روايات ليها العجب..
و حكاوى أغرب من الخيال..
أصل اللى قال إن الكلام خلص..
ده كان جبان...
لسه الكلام بيتقال...
و الغناوى بتتسمع...
و الكتاب مفتوح..
لكل سطر بيتكتب...
و ادى احنا قاعدين..
شايفين..فاهمين...
اللى بيحصل حوالينا...
****
حاجات كتير اتغيرت...
عدت شهور...
بقت سنين...
و الساقية لسه بتلف و تدور...
و احنا وياها...
نروح مكان ما تروح...
طريقنا قدر مكتوب...
و اللى ع الجبين..
هتشوفه العين....
اضحك يا صاحبى...
سيبك م البكى...
لسه النهار طالع...
و الشمس جوه منك...
و الساقية هتيجى عندك...
و تقولك جه دورك...
و تركب وياها وتلف...
و تشوف...
حكاوى ليها العجب...
و عجبى.....
فعلا الحكاوى عمرها ما هتخلص
ReplyDelete