كا قلت سابقا أن خير وسيلة لمعرفة نبض الشارع المصرى ..هى الاحتكاك بالناس فى الشارع و المواصلات العامة.
لست هنا بصدد الدفاع عن أحد ضد أحد و لكنى أستعرض قضية ربما غابت عن عيوننا و هى تخص فئة...ربما تجاهلناها أو تناسيناها أو لا نريد أن نفكر فيها...
فى الميكروباص..استمعت لحديث دار بين بعض الراكبين.. بدأ الحديث بالكلام عن المحاكمات ..بذكر محاكمة حبيب العادلى وزير الداخلية السابق و ما آلت إليه الأمور من تأجيل المحاكمة فى قتل المتظاهرين و ضمها لقضية الرئيس السابق حسنى مبارك...
و أخذ أحد الركاب يتحدث عن الشهداء و حقهم و حق أهالى الشهداء فى القصاص وسط ترحيب و تأييد معظم من فى الميكروباص...و فجأة ظهر صوت لرجل قال..طيب و حق شهداء الشرطة اللى ماتوا!! مين اللى هيجيب حق دول؟؟!!...
سكت الجميع...
و أكمل الرجل...شهداء الثورة بيتصرف ليهم معاشات و إعانات و مصابى الثورة هيتعالجوا و هيتصرف لهم علاج من الحكومة...إنما شهداء الشرطة مين اللى هيجيب حقهم؟؟!! يا ترى أهالى شهداء الشرطة...هيصرفوا معاشات شهداء الثورة؟؟!! و يا ترى مصابى الشرطة هيتعالجوا و يتصرف ليهم علاج زى مصابى الثورة...!!
طبعا هاجت العربية و ماجت و الناس بدأت تلعن فى الشرطة ...
و بدأت أنا فى التفكير...فعلا الراجل ده عنده حق..شهداء الشرطة مهملين..محدش بيدافع عنهم و لا عن حقوق أسرهم...و السؤال الأغرب من كده...هما أهالى شهداء الشرطة لو طلبوا القصاص..هيقتصوا من مين؟؟!! و أكيد يمكن يكونوا بيفكروا إن الثوار هما اللى قتلوا أولادهم؟؟!!
و فوجئت بالآتى ...فى الوقت اللى احنا كلنا بنطالب بالقصاص و حق الشهداء و المصابين من الثوار...يا ترى..أم شهيد الشرطة أو بنته أو زوجته أو أخته ...و هى قلبها موجوع عليه..هتطلب القصاص من مين؟؟!!
بصراحة مش لاقية رد...غير زى ما كان الراجل فى الميكروباص بيسأل ..طيب..و مين اللى هيجيب حق دول؟؟!!
دمتم فى حفظ الله...
**********************************************************
فضلا إذا أعجبتك مدونتى يمكنك متابعتها بالضغط على
Follow with Google connect
و المشاركة مع الأصدقاء عن طريق Like or tweet
و متابعة بعض المدونات الهامة فى رأيى من قائمة المدونات التى على اليمين
No comments:
Post a Comment